(d’après photographies de Denis Maljean, Canons et fondeurs en Touraine aux XVe-XVIe siècles, Mémoire de maîtrise d’histoire, Université de Tours, Centre d’Etudes Supérieures de la Renaissance, septembre 2004)

BB6, délibération du 22 juillet 1438
(…)
Item a este ordonne et approuve de faire faire une xiine de couleuvrines chacune couleuvrine dont il en y aura iiii chacune de xx lb quatre chacune de xvi lb et quatre chacune de xii lb, et en chacune couleuvrine aura en escript tours a ce que len congnoisse quelles sont de la ville, et a este marchande a estien bouschard de faire lesd. couleuvrines a ii s. vi d. la livre, et pour les repoussouers et les enmanchez et le mosle a giter les plombees aura led. estien xl s. ainsi pour tout xxv[i £] Item pour chacune couleuvrine ii lb de plom en plombees et une livre de pouldre
Item led. estien bouschard a este charge de veoir et ord[onner] les canons de la ville, et le lieu ou ilz seront assis et sera av[ec] led. estien, peronnet mahon un charpentier et un des esleuz, et yront demain, et aussi yra denis deperonne (?)
Item fault iim de trait de la grandeur qui sensuit
(…)
[f° ]Item a este marchande a jehan godebert de faire ung millier de fers de trait a la somme de x £

BB14 (14-20 avril 1512)
Le xxe jour davril oud. an lad. commission baillee[…] aud callouet de signiffier ausd. pale despertes et bernardeau ( ?) le tout par moy estienne brau notaire clerc de ceste ville de tours, es presences de marc fromon notaire jure des … … et jehan deslices clerc et changeur ( ?) de lad. ville, ainsi signe de brau et maistre fromon pour procureur
Sensuit la copie de lune des commissions ordonnees par monsgr le juge pour lad. affaire
Guillaume guerar conseiller du roy nostre sire juge et lieutenant general de monsgr le bailly de touraine a tours
et aux procureurs et fabricquiers des paroisses de
et chacun deulx salut de la partie des maires et eschevins manans et habitans de la ville de tours et procureur du roy nostre sire joint avec eulx, nous a este expose que entre les autres anciens privileges donnez et octroyez par le roy et ses predecesseurs auxd. maire et eschevins, manans et habitans, ilz soient frans quictes et exempts de toute ayde, service (?) de ban, arriereban et chevauchees, et leur aye le roy et ses predecesseurs laisse en leur garde et gouvernement lad. ville de tours, a la charge dicelle bien dilligement garder, a son besoing scavoir de quelles armeures et bastons sont muniz et garniz lesd. manans et habitans desd. ville et faulxbours, qui a [cause ?] de leursd. privilleges sont tenus a la garde, tournee et deffense desd. ville et foubourgs, a [c ?]este cause et pour ce quil est bruit que les angloys anciens ennemis de france se sont mis sus, pour envahir et invader les pays et seigneuryes et subietz du roy seront voulontiers iceulx habitans faire veue et recherche des armeures et bastons dont sont de present garniz lesd. manans et habitans, pour y donner provision aide que inconvenient nen advienne esd. ville et faulxbourgs et aux habitants dyceulx nous requerans sur ce provision ; pour ce il que a la invitacion desd. maire et eschevins nous vous avons commis et desputez commectons et deputons et vous mandons que appelle avec vous ung… … vous transportez en toutes et chacunes des maisons des manans habitans desd. paroisses en leur faisans commandement quilz ayent a vous monstrer et exhiber les bastons et armeures quilz ont en leurs maisons, pour en faire rapport par escript, encercle les noms et seurnoms des chefz dostel desd. paroisses en leur enjoniant quilz soient prestz deulx trouver en armes selon leur puissance et faulte … et quantes quil leur sera enjoinct et que par le roy leur sera ordonne, en leur contraignant de vous obeyr chacun arpent de dix livres damende et de prison et ilz … … soient des… manieres ( ?) aud. sieur bailler et assigner … …
le bailly de touraine ou son lieutenant pour les veoir declarer estre descheuz et encourons les poeines dessusd., respondre aud. procureur du roy a telles fins requestes et conclusion quil vouldra que eulx et chacun deulx prendre et eslire, et oultre preced. comme de raison, et de ce faire deuement vous donnons pouvoir manibus et comodibus a tous quil appartiendra avons […] en ce faisant estre obey ; donne a tours par nous juges et lieutenant dessus nommes, le xvie jour davril lan mil cinq cens et douze apres pasques

BB 15 (15-25 août 1522)
Et oultre sera fait commandement de par le Roy a la requeste de monseigneur le procureur du roy ad ce present aux prones dep… des parroisses et aux maistres jurez des mestiers et autres quil appartiendra que incontinent et sans delay ilz a apportez en la maison de ceans toutes les pieces dartillerie et pouldres quilz ont pour la deffense de la ville et en les baillant leurs sera baille seurete de leur rendre ce quilz bailleront et quilz aient a les apportez promptement a pallet ( ?) beaucelaires ( ?)
Du mercredi xxviie daoust mil vc xxii en lassemblee fait pour ce jourduy aud. ostel de ville, et en linjonction faicte aux maistres des mestierz jurez de lad. ville qui suit
Les maistres jurez bouchers des Arcitz
Jehan bechereau et Hugues romday maistres jurez bouchers, acompaignez. de maistre jehan tonnelreau nicolas thibault et aultres, lesquels ont declare avoir une piece dartillerie qui est es mains de andre sait boucher qui leur avoit enjoinct estre faicte pour la tuission et deffense de la ville et ont consenti quelle soit mise de la ville pour estre mise en lieu ou il sera arreste par la ville ; aussi de bailler le chargeur le callibre et moulletz et municions de lad. piece aud. ostel de ville dud. demain ( ?) matin et fourniront de boulletz en nombre compectant
Les maistres jurez patissiers
Les maistres jurez brodeurs
Les maistres jurez selliers
Les maistres jurez magissiers
Les maistres jurez chaussetiers
Les maistres jurez orfevres
Les maistres jurez serreuriers
Les maistres jurez barbiers
Robert Chibault et Jehan Robert procureurs de la frarie st honore … dabus se sont presentez avecque une hacquebute a crochet et chevallet depuis ont presente deux pieces dartillerie au merc de leur confrerie montees sur chevalletz qui sont demeurees en lostel de lad. ville pour y servir pour le tuission et deffense dicelle et fourniront de moulletz ( ?) et de moulle et le danger cessans seront remises entre leurs mains et sera baille dassy dun essieu de la ville
Les maistres jurez boullangers
Les maistres jurez tanneurs
Les maistres jurez courroyeurs
Les maistres jurez cordonniers
Les maistres jurez tondeurs
Les maistres jurez chaussetiers
Les maistres jurez cordiers
a eulx donne ( ?)
Les maistres jurez tondeurs
Les maistres jurez coustelliers
Les maistres jurez fourbisseurs
Les maistres jurez esperonniers
Les maistres jurez coustelliers
Les maistres jurez cousturiers
Les masitres bouchers de chasteauneuf
Les maistres jurez de chasteauneuf comparans par lucas lemaistre et laurens boishaultier ont declare quilz nont aucune artillerie et quilz esseront ( ?) en faire faire deux pieces aux despens de leur ordre garnie de boulletz et dresse sur chevalletz ( ?) et ont dit qui ne leur fut jamais enjoinct en faire faire ; et a este enjoint a guillaume de la planche … … adjourner tous chacuns les autres bouchers a demain matin expedicion des causes pour y considerer.
Les maistres coustelliers comparans par guillem boucher jehan destournelles estienne leviryne ( ?) et jehan boutault ont declare avoir aucune artillerie et que jamais ne leurs fut enjoinct en faire faire et pour ce leur a este enjoinct faire une bonne piece dartillerie montee de chevallet garnie de boulletz preste a tirer dedans dimanche
Les maistres jurez cordonniers comparans par pierre de limoche crestien fourneau gillet cosuart et gillet bureau et avecques eulx jehan ocher procureur de la confrarie lesquels ont represente une piece a leur merc et y en a une autre es mains de thibault bourru lequel sera adjourne a demain matin par devant monsgr le juge pour la representer et est lad. piece representee demouree aud. ostel de ville et ont consenty lautre piece estre mise aud. ostel de ville pour que led. bourru la represente et baille de fourniz de boulletz
Les maistres jurez serruriers comparans par mathieu regnault jehan bodin et jehan de sable et pierre bourru[…] qui ont declare navoir aucune piece dartillerie ; leur a este enjoinct en fournir une bonne grosse piece dedans dimanche rendue en la maison de ceans qui aroyent de boulletz et moulles ; et sera enjoinct aux aultres maistres dud. mestier de contribuer faire lad. piece
Les maistres jurez cousturiez comparans par gacian bauller et pierre roussereau et me legay jehan rousseau jehan deseu et pierre trappellier lesquels ont declare avoir troys pieces dartilleries dont ilz en ont represente deux qui sont demourees entre leurs mains ; et appointe quilz representeront les troys pieces demain matin en lostel de la ville garnie de boulletz
Les maistres jurez tanneurs cest comparu martin buchan maistre tanneur lequel a declare quil a este adjourne et a luy fait commandement dapporter lartillerie dud. mestier lequel a declare que lor( ?) quil estoit maistre jure dud. mestier luy fut baille une piece dartillerie qui a este fait faire par les maistres dud. mestier qui est demeuree en la maison de lad. ville pour la tuission et deffence dicelle ville et fu enjoinct aux maistres dud. mestier de fournir de boullez et est lad. piece aux armes dud. mestier.
Les maistres jurez corroyeurs comparans par les nommes jehan aurisy laurens brossier lesquels ont represente deux pieces dartillerie faicte par led. mestier aux armes dud. mestier qui sont demeurees en lostel de la ville pour la tuission de la ville et leur a este enjoinct de fournir de boullets et de chargouers
Les maistres jurez magissiers comparans par rene besthereau et jehan luillier maistres lesquels ont represente deux pieces dartillerie merquiees a leur merc qui leur sont demerees entre leurs mains pour les faires dicellez ( ?) montez et acoustrez et leur a este enjoinct les representer et mectre en lostel de lad. ville ced. vendredy midi et fourniront de boulletz et chargouers
Les maistres jurez esperonniers comparu par jacques arquer qui a declare quil y a une piece dartillerie quy est entre les mains de jullien callart qui est montee sur chevallet faicte aux despens dud. mestier laquelle ilz vont prie recouvrez de lad. vesve par ce app(oin)te quilz la feront adjourne a demain a la requeste des maistres et de monseigneur le procureur du roy
Les maistres jurez tondeurs comparans par simon joubert jehan vallee maistres et jehan leblanc p… lesquels ont represente une une piece dartillerie merque a leur merc quilz quy leur est demoure entre leurs mains ; et leur a este enjoinct la faire monter et representer en lostel de ville dedans vendredi midi fournye de boulletz et chargouers
Les maistres jurez selliers comparans par bertheloy bodin a declare quilz nont aucune piece dartillerie et pour ce luy a este enjoinct faire adjourner les maistres dud. mestier a demain
Les maistres jurez fourbisseurs comparans par claude robert et pierre lagay qui ont declare quilz nont fait faire aucune artillerie et pour ce leur a este enjoinct faire adjourner les autres maistres a demain matin
Les maistres jurez cordiers comparans par jehan ballat et jacel bernault qui ont declare navoir aucune piece dartillerie ; et pour ce leur a este enjoinct faire faire une piece dedans dimanche garnie de boulletz et feront appeller les autres maistres pour y contribuer
Les maistres jurez barbiers sirurgiens seront appellez a demain a la requeste de monseigneur le procureur du roy

CC 32, f° 43v – 25 janvier 1450
A jehan de saint mesmin marchant la somme de xv £ ii s. vi d.t. a lui deue pour trois traversiers de vin que lesd. esleuz ont fait prendre et acheter de lui led. pris, desquelz trois traversiers de vin lun fut donne a ung des canonniers du roy nomme salmon et autres compagnons de lartillerie du roy le jour que led. canonnier fondit a langé une grosse bombarde, laquelle a loccasion dud. traversier de vin fut nomme touraine. Et les autres deux traversiers ont este donnez en grans poz par diverses journees a plusieurs du conseil du roy et autres sgrs frequentens sa court durans les mois de novembre et janvier IIIIC et L que ledit sgr a este loge aux montiz et a montbason ; pour ce par mandement desdiz esleuz donne le xxve jour dud. mois de janvier oud. an mil IIIIC et L cy rendu xv £ ii s. vi d.t.

CC 71
[f° 55] Aultre despence pour la reparacion de lartillerie de cested. ville et aultres fraictz a la poursuycte des adventuriers et gens de mal vinairez qui anvoyant par … … … de montgalge et ville de sainct espain et aultres lieulx pour lentretien et seurete de cested. ville
(…)
Audict Guillaume habert present recepveur la somme de soixante huict livres troys sols huict deniers tournois a luy ordonne par lad. ville, pour son remboursement de pareille et semblable somme quil a payee et desbourcee ; a mathurin olivier charron la somme de douze livres tournois, pour deux paires de roues deux essieulx quatres limonts servans aux deux grosses pieces dartillerie et faulconneaulx ; a Estienne leblanc canonnier ordinaire et ferron dartillerie du roy la somme de douze livres tournois, pour avoir ferre lesd. deux paires de roues reforge et redresse les bandes dicelles fourny de clou hapes et autres ferrures ; la somme de dix sols tournois, a douze hommes qui ont remne lad. artillerie en la tour carree ; la somme de cinq solz tournois, a michau davoynes et estienne leblanc canonnier susd. qui ont vacque a mectre les hacquebutes a croc estans a la maison de lad. ville chacune a son calibre ; a jehan chaussoi, pour six sercles mis et assiz aux calques a pouldre vingt deniers ; la somme de quatre sols a jallet chartier, pour mener lesd. six barrilz au chasteau de cested. ville ; a six hommes qui ont tire les deux grosses pieces hors lad. tour pour icelles demonter cinq sols tournois ; la somme de cinq solz tourn. a jehan bontegourt chartier, pour avoir mene les deux grosses paires de roues au logis dud. leblanc, pour icelles pieces, et avoir les bandes, la somme de troys sols six deniers ; a jallet chartier iii s. vi tourn. [f° 56] tourn aud. jallet pour avoir ramene a ung tour de charroy dud. dud. chateau de tours jusques a la tour qui qui en groigne lesdicts sept cacques de pouldre ; la somme de trente ung solz six deniers tourn., payez a jehan chaussoit tonnellier pour lesd. sept cacques neufves prestes condagnees ( ?) ; a jehan mathurin poirier et jehan gousse canonniers ordinaires du roy nre sire, la somme de trente huict livres tourn., pour deux cens livres de salpestres seize livres de charbon, et pour la faczon dun millier de pouldre a canon ; a michel davoyne lx s. x d. et comme le tout est plus a plain declaire et speciffie par les parties certiffications et mandement sur ce donne desdicts maire esleuz et commis, le dernier jour doctobre lan de ce present compte, le tout cy rendu pour ce, cy lad. somme de lxviii £ iii s. viii d.
pour la faczon grosse et mynute de ce present mandement xv s. t.

EE, boite 3, pièce h, 20 mars 1478
De par le roy
Chiers et bien ametz, nous voulons et vous mandons que vous faites charger et mener jusquen la ville dorliens les six couleuvrines faucons qui sont de present en nre ville de tours et les faites bailler et delivrer aux habitants de ladite ville dorliens, ausquelx nous escripvons les recevoir et faire mener en notre ville de paris ; et gardes quil ny ait faulte. Donne au plessis du parc le xxme jour de mars
Loys
Monsieur le receveur martin dulyon le roy ma escript ainsi que pouvez veoir que je fasse mener six coleuvrines de ceste ville a orleans par quoy en accomplissement et vouloir dudit sgr jay appointe a christophe hay andre poisant et jehan coustans de les mener pour quoy baillez leur la somme de douze livres t. et il vous en sera tenu compte fait le xxiiie de mars iiiic lxxviii
Jehan
EE, boite 3, pièce i
Loys de lameziere maire de la ville de tours les esleuz de lad. ville et le commis pour les gens deglise tous commis avecques ledit maire quant a la distribucion des deniers communs de lad. ville so.. monte a martin du lyon receveur des deniers salut nous vous mandons que des deniers de vostre recepte vous paier bailler et delivrer a jehan coustant et christofle hey andre poisent charrestiers a chevaulx la somme de douze livres tournois qui deue leur estoit pour avoir mene en leur voiture et charroy de cested. ville jusques a orleans par avoir ce jourduy six couleuvrines ainsi que le roy nostre sgr nous avoit mende et escript par ses lettres mesmes signees de sa main et de piccot nous adressans atachees ce present mandement soubz le contreseel de la communaute de lad. ville et par rapportant ces presentes et quictance desd. coustant hey et poisent icelle somme de douze livres sera alouee en vostre compte et rabatu de vostre recepte par ceulx quil appartiendra. Donne aud. tours soubz noz seings manuelz le vingt troisme jour de mars lan mil iiiic soixante dix huit

EE, boite 3, pièce j
Christofle hey andre poisant et jehan coustans charrestiers demourant a tours ont confesse avoir receu de martin du lion receveur des deniers communs de la ville la somme de douze livres quil leur avoit este promise par sieur loys de la meziere maire de ladicte ville pour mener six couleuvrines que par le commandement du roy nostre sgr avoit este enjoinct aud. maire ( ?) les faire mener a orleans ce que lesdicts ch… ont promis faire et icelles rendues aud. lieu dorleans dud. … … … de lad. somme de xii livres ilz se sont tenus contens et bien paies quict oblig. par le recepveur loys
present jeh boitran esleu de lad. ville et … de la ay
tesmoing, le xxiiie jour de mars mil iiiic lxxviii